Tennis

INLEIDING

By Oranje is tennis nie net ’n individuele sport nie, maar ook ’n spansport.  Hierdie stelling kan aan jare lange uitstekende prestasies gemeet word. 

Die eerste tennisspan het Suid-Afrika al in Doha, Katar, in die Wêreldbekertoernooi vir skole verteenwoordig.  Dit is ’n bewys van toegewyde spelers, kwaliteit-afrigting en genoegsame geleenthede.

AFRIGTING

Oranje se tennisspelers word in drie groepe verdeel: 
Top 20-tennisspelers -     Maandae (16:00-17:30) en Dinsdae (14:00-15:00)
                                         Afrigter:  Mev. Isabel Fichardt
Nr. 21-50 op ranglys -      Dinsdae (15:00-16:00) en Donderdae (14:00-15:00)          
                                        Organiseerder:  Mev. Elna Rood
Graad 8-tennisspelers -   Maandae (15:00-16:00) en Donderdae (15:00-16:00)
                                         Afrigters:  Byron Wegger en PW Holtzhausen

Ongeveer 90% van die tennisspelers kry private tennisafrigting by Gustav Fichardt Tennis se afrigtingspan.  Hulle rig op Oranje se tennisbane af.

TENNISAKADEMIE

Die tennisakademie word deur mnr. MC Olivier en mev. Isabel Fichardt behartig.  Die doelwit van die akademie is om spelers met fiksheid, voet- en speelvaardighede toe te rus.  Enige speler kan die tennisakademie bywoon.  Kliek gerus op die tennisakademie skakel vir meer inligting.

TOERNOOIE EN GELEENTHEDE

Oranje neem elke jaar in die tweede en derde kwartaal met vyf tennisspanne aan die Mangaung-tennisliga deel.  Daar word ook die res van die jaar aan die volgende toernooie deelgeneem:

  • Gerrie Berner-tennistoernooi  (Paarl)
  • Hoërskool Fichardtpark-sportdag  (Bloemfontein)
  • National All Girls’ Schools Festival  (Roteer onder meisieskole oor SA heen)
  • Afrikaans Hoër Meisieskool Pretoria, Interskole  (Bloemfontein/Pretoria)
  • Amanda Coetzer-tennistoernooi  (Bloemfontein)
  • Collegiate Girls’ High School, Interskole  (Bloemfontein/Port Elizabeth)
  • Hoër Meisieskool Bloemhof, Interskole (Bloemfontein/Stellenbosch)
  • Afrikaans Hoër Meisieskool Pretoria se o.15-tennistoernooi  (Pretoria)
  • Absolut Menlo-tennistoernooi  (Pretoria)
  • Bethlehem Hoërskoletennistoernooi  (Bethlehem)

OORSESE TOERE

Die tennis probeer om elke 3 tot 4 jaar vir die spelers die geleentheid te skep om na Engeland te toer.  Die toer word in Junie onderneem wanneer die Wimbledon-tennistoernooi plaasvind.  Wedstryde word teen plaaslike kompetisie in Engeland gereël en dan word daar drie dae opsy gesit om die professionele spelers by Wimbledon in aksie te sien.

PRESTASIES

Oranje is bevoorreg om gereeld tennisspelers in provinsiale en nasionale spanne te hê.

 

2016       7 Vrystaat-tennisspelers
                3 SA tennisspelers                           Daniel de Villiers, Lize Moolman, Aletta Macheli

2017       6 Vrystaat-tennisspelers
                2 SA tennisspelers                           Linge Steenkamp, Gizelle Naudé
                                                                         Carmen Fichardt – reserwe

2018       Vrystaat o.15-span                            Kristen Fichardt
                                                                         Cayline le Grange
                                                                          Luzaan Swanepoel
                                                                          Anzél van Zyl

                Vrystaat o.18-span                          Linge Steenkamp
                                                                        Carmen Fichardt
                                                                        Gina Moolman
                                                                        Marianne du Plessis

                SA o.15-skoletennisspan                Kristen Fichardt
                SA o.18-skoletennisspan                Linge Steenkamp
                                                                        Carmen Fichardt

 

                Afrika- Junior Kampioenskap          TSA o.14 AJC-tennisspan              Liné Greyling
                                                                        TSA o.18 AJC-tennisspan              Linge Steenkamp

                                                                         Namibië o.16 AJC-tennisspan     Gina Moolman
                                                                         Namibië o.18 AJC-tennisspan     Gina Moolman

 

AMANDA COETZER-TENNISTOERNOOI

Die Amanda Coetzer-tennistoernooi is ’n produk eie aan Oranje en is na ’n oud-leerder genoem.  Amanda Coetzer, wat ’n professionele tennisspeler was, is deel van die trotse tennistradisie by Oranje en is ’n groot aansporing vir ons tennisspelers. 

Hierdie toernooi is vir die eerste keer in 1998aangebied en is vanjaar 21 jaar oud.  Hierdie skoletoernooi word as een van die beste en sterkste meisiestennistoernooie in die land gereken.  Slegs agt skole word na die toernooi genooi.  Die eerste spanne bestaan uit sewe spelers (reserwe ingesluit) en die o.15-afdeling uit vyf spelers (reserwe ingesluit).  Die o.15-afdeling is in 2017 by die toernooi bygevoeg.

Wenners van die toernooi die afgelope paar jaar:

Eerste spanne      o.15-afdeling
2013       Meisieskool Oranje
2014       Hoër Meisieskool Bloemhof 
2015       Meisieskool Oranje
2016       Hoër Meisieskool Bloemhof
2017       Hoër Meisieskool Bloemhof 2017       Meisieskool Oranje
2018       Meisieskool Oranje 2018       Meisieskool Oranje

 

UITSLAE

Alle uitslae van toernooie kan in die uitslae-kolom besigtig word. 

DAAGREËLS

Die daagreëls is ’n riglyn wat die spelers help om hulle op die ranglys te vestig en hulle posisies te verbeter.  Kliek gerus op die aangehegde daagreëlskakel vir meer inligting.

Ons moedig graag al die spelers aan om gereeld daagwedstryde te speel.  Dit hou nie net die ranglys opgedateer nie, maar is ook baie goeie oefening vir al die spelers.