Die Meisieskool Oranje het 'n baie trotse sport tradisie en glo in die beginsel dat 'n gesonde liggaam 'n gesonde gees huisves.

Die volgende wye verskeidenheid sportsoorte word hier aangebied:

• Atletiek
• Tennis
• Hokkie
• Netbal
• Swem
• Duik
• Tweekamp
• Landloop

Ons spanne behaal uitstekende resultate en eindig jaarliks bo aan die verskillende ligas.

Die Meisieskool Oranje beskik oor toegewyde en professionele afrigters en maak ook van goed gekwalifiseerde buite-afrigters gebruik. Afgesien van die plaaslike ligawedstryde, word daar 'n wye verskeidenheid geleenthede vir deelname regoor die land geskep deur aan verskillende toernooie deel te neem. Die skool neem ook jaarliks aan ten minste twee interskole byeenkomste deel, onder andere ons jaarlikse kragmeting teen die Hoër Meisieskool Bloemhof in Augustus.

Alhoewel ons baie trots is op ons Springbokke en provinsiale spelers en atlete, is die skep van geleenthede vir almal 'n groot prioriteit en daarom word deelname sterk aangemoedig.